Postby Hub-Bar » Sun Nov 28, 2010 8:28 am
Hi Eben,
Kan my net voorstel wat alles deur jou gemoed gaan op die oomblik. Ons moet maar net nederig aanvaar ons is op die ou end van die dag almal maar net mense en ons maak almal foute. Soos jy al baie vir my gese het : net ‘n paar oomblikke wat jou aandag nie 100% by jou taak is nie dan het jy moeilikheid. 99 % van die tyd kom ons weg daarmee, kasty onsself daarna en gaan dan aan. Jou pyn le nou by die aangaan ou vriend en ek bid jou baie sterkte toe. Al wat sinvol is uit hierdie oefening is dat ons ander net weer sal besef dat as dit met ‘n man met soveel ervaring soos jy kan gebeur, moet die res van ons lig trap. Wil net weer vir jou dankie se vir wat jy vir my geleer het – dit het my bas al op meer as een geleentheid gered. Dankie vir die ondersteuning en aanmoediging daai tyd tydens my opleiding toe ek ‘motherless’ moedeloos teen die hangardeur gaan sit het. Dankie man! Vandag geniet ek my RAF elke oomblik wat ek in die lug is en ek weet dat as ek my deel doen gaan sy my nie in die steek laat nie en wanneer die duiwel wel uitspring met sy moerse byl, gaan sy nog steeds probeer om my te beskerm. Jou gat oor kop en ongeskonde wegloop daarvan is weereens bevestigend daarvan.
Net so op ‘n ander punt : Ek het die naweek op FASH werklik geniet en die samehorigheid onder die gyro manne was uitstekend – ongeag van wat jy vlieg. Ek glo die politiekery oor tipe gyros is nou finaal die nek ingeslaan (f#*%@$ klaar, verby, finished! En die ou wat dit weer aanroer is nie waardig om deel te wees van ons gyro gemeenskap nie.) – almal het sy plek in die son en ons het almal iets in gemeen : ons is rotorkoppe! Ek was baie opgewonde oor die nuwe tegnologie gyros wat ons daar gesien het. Het in Celliers se Xenon en Len se M24 gesit – What a pleasure!! Die ‘sleek & sexy’ lyne van die nuwe Calidus 09 is vir my ‘out of this world’! As ek die euros gehad het, het ek vir my dadelik een bygekoop – let wel : bygekoop – sal dit nie oor my hart kry om my RAF weg te maak nie. As daar iemand daar buite is met te veel geld – die Calidus is op my Xmasboks lys!! En die Kriek ? Lelik soos die nag – maar moenie ‘n fout maak nie, daar is ‘n werkesel in daardie lyf en ek wil die Wagtail span geluk wens met julle prestasie – ons is trots op julle! Ek het ‘n ingenieurs agtergrond en ek weet wat se soort effort en geld en opdrande stryd julle in daardie projek ingesteek het – well done lads – alle voorspoed vorentoe, ons kyk uit vir julle.
Wel ou Eben, ek hoor jy en Ansa gaan binnekort so ‘n bietjie weg op vakansie – geniet dit, lek jou wonde en kom gesond terug – jy het nog ‘n groot taak om te verrig in ons SA gyro gemeenskap! Ons het jou nodig.
Groete van Hangar tot Hangar
Francois Marais (Gansbaai)
Francois Marais
ZU-DTS : RAF 2000
ZU-ECS : Bantam B22J